Банкнинг онлайн-хизматлари

Интернет банкинг — бу Ипотека-банкнинг корпоратив мижозларига Интернет тармоғидан фойдаланиб ҳисобрақамни масофадан бошқариш учун тўлиқ кўламдаги хизматларни кўрсатувчи дастурий мажмуадир.

Тизим юридик шахсларнинг, жумладан, якка тартибдаги тадбиркорлар ҳамда компанияларнинг ҳисобварақларини масофадан бошқариш учун мўлжалланган. Интернет банкинг хизматидан фойдаланиш имкониятини берувчи електрон калитлар бепул берилади. Бундан ташқари банк хизматидан фойдаланиш учун абонент тўлови олинмайди.

Интернет банкингнинг имкониятлари:

• Пул маблағларининг ҳаракати ва ҳисобрақамидаги қолдиқ маблағлар тўғрисида батафсил маълумотлар олиш;
• Жўнатилган тўловларнинг ҳолатини кўриш;
• Бухгалтерия тизимидан, жумладан, 1С бухгалтерия дастурида тўлов ҳужжатларини олиш ва юбориш;
• Ипотека-банкка тўлов ҳужжатларини електрон кўринишда жўнатиш;
• Ҳисобрақам бўйича амалиётларни амалга оширилганлигини тасдиқловчи ҳужжатларни олиш;
• Банкка електрон-рақамли имзо билан имзоланган тўлов ҳужжатларини жўнатиш.

Банк-Мижоз – бу Мижозларга ўзларининг молиявий пул оқимларини тезкор тарзда бошқаришга имкон берувчи електрон ҳисоб-китоблар тизимидир. Унда електрон рақамли имзо технологиясидан фойдаланган ҳолда маълумотларни кодлаштиришнинг халқаро стандартлари қўлланилган, бу еса юбораётган маълумотларнинг самарали ҳимоя қилинишини таъминлайди. Мижоз томонидан ҳужжатларни узатиш ва олиш бевосита модемли алоқадан фойдаланиш орқали амалга оширилади.

Тизимни ўрнатиш учун Ипотека-банк билан шартнома тузиш зарур. Банк мутахассислари мижозга Банк-Мижоз тизимининг ишлаши, ҳимоя воситаларидан фойдаланилиши, маълумотларни қабул қилиш/узатиш ва уларни қайта ишлаш технологияси масалалари бўйича маслаҳат ёрдамини кўрсатадилар.

Хизматга уланиш учун аризани тўлдириш ва уни Банкка тақдим етиш талаб қилинади.

Компютерга бўлган талаблар:

• Пентиум ва ундан юқори;
• Қаттиқ дискдаги 100 Мб дан кам бўлмаган ҳажмдаги бўш жой;
• 32 Мб дан кам бўлмаган ҳажмдаги тезкор хотира (64 Мгб ёки ундан кўпроқ бўлиши тавсия қилинади);
• HAYES-кодларни қўллаб-қувватловчи ёки Интернетга киришга имкон берувчи USB модемнинг мавжудлиги;
• Операцион тизим: Windows 2000 Professional, Windows 2000 Server, Windows XP, Windows 2003 Server;
• CD-ROM нинг мавжудлиги;
• Барча жиҳозлар техник жиҳатдан яроқли бўлиши керак.

Компютерга ва дастурий таъминотга бўлган талаблардан исталган бирортаси ёки бир нечтасининг бажарилмаслиги дастурий таъминотнинг компютерингизга ўрнатиб бўлмаслигига олиб келади.

Ipoteka-bank SMS xabarchi xizmatini taklif qiladi. Bu Sizning biznesingiz uchun SMS-bildirishnomadir. Xizmat Sizga pul mablag‘larining hisobraqamga tushganligi va hisobrakamdan hisobdan chiqarilganligi to‘g‘risidagi ma’lumotlarni tezkor tarzda olishingizga imkon beradi. Amalga oshirilgan amaliyotlar to‘g‘risidagi ma’lumotlar SMS-bildirishnomalar ko‘rinishida uyali telefoningizga kelib tushadi.

Siz 3 tagacha uyali telefon raqamlarini ulashingiz mumkin.

Xizmat ko‘rsatilganligi uchun vositachilik haqi bitta hisobraqam bo‘yicha bitta telefon raqami uchun bankning tarif rejasiga ko‘ra to‘lanadi.

Xizmatning asosiy afzalliklari

• hisobraqam ustidan doimiy nazorat;
• foydalanishning qulayligini va osonligi;
• parametrlarni tizimning har bir foydalanuvchisi uchun yakka tartibda belgilanishi;
• SMS ni qabul qilish funktsiyasiga ega bo‘lgan har qanday qurilma orqali foydalanish mumkinligi;
• Xizmat O’zbekistondagi barcha uyali aloqa operatorlari bilan ishlaydi.

Xizmatga qanday ulanish mumkin?

• ulanish uchun arizani to‘ldiring, uni rahbar va bosh hisobchi tomonidan tasdiqlating, muhr qo‘ying.
• arizani Ipoteka-bankka taqdim eting va SMS banking tizimiga ulanish bo‘yicha shartnoma tuzing.
• xizmat uch bank ish kuni ichida ulanadi.

SMS banking xizmatiga ulangandan so‘ng mijozga “SMS ma’lumotlari foydalanuvchilari uchun eslatma” taqdim etiladi.

SMS ni qanday jo‘natish mumkin?

So‘rovning asosiy formati bo‘lib qisqa so‘rov hisoblanadi. Undan foydalanganda o‘zingizni qiziqtirgan ma’lumotning joriy holati to‘g‘risidagi ma’lumotlarni olasiz.

So‘rov turining nomi	Qisqa so‘rov
Hisobraqam holati	1?1
Kirim bo‘yicha o‘tkazilgan hujjatlarning soni	2?1
So‘nggi o‘tkazilgan hujjatlar	3?1

Xizmatni to‘la yoki vaqtinchalik uzib qo‘yish uchun

• xizmatni uchirish to‘g‘risidagi arizani to‘ldiring;
• arizani rahbar va bosh hisobchida tasdiqlating, muhr qo‘ying;
• arizani Ipoteka-bankka taqdim eting.

Xizmat uch bank ish kuni ichida uzib qo‘yiladi.