Xorijiy kredit liniyalari

Tadbirkorlik subʼektlari faoliyatini moliyaviy qoʼllab-quvvatlash, ularga taqdim etilayotgan kredit turlarini koʼpaytirish, shuningdek istiqbolli investitsion loyihalarni moliyalashtirish uchun bankimiz tomonidan bir nechta xalqaro moliya institutlari va xorijiy banklarning kredit liniyalari jalb qilingan. Quyida ushbu kredit liniyalari bilan batafsil tanishishingiz mumkin.

Investitsion loyihalarni koʼrib chiqish uchun zarur boʼlgan hujjatlar roʼyhati.

1. Аriza - kredit miqdori, foydalanish muddati, maqsadi, foizi, taʼminoti koʼrsatilgan hamda u haqidagi maʼlumotlarni kredit byurosi va garov reestriga berilishiga roziligi aks ettirilgan kredit buyutmanomasi. 
2. Kredit oluvchining vakolatli organi(taʼsischilari, aktsiyadorlar va kuzatuv kengashlari)ning kredit olish boʼyicha yigʼilish qarori yoki roziligini bildiruvchi yozma ruxsati. Vakolatlarni tekshirish uchun oxirgi kiritilgan oʼzgartirishlar bilan birga qarz oluvchining taʼsis hujjatlari nusxasi. Аgar faoliyat turi maxsus litsenziya talab etuvchi roʼyxatga kirsa, ishlab chiqarish faoliyati bilan shugʼullanish huquqini tasdiqlovchi litsenziya (ishlab chiqarish boshlanguncha litsenziya olish imkoniyati boʼlmaganda litsenziya olishga tegishli maʼlumot taqdim etish lozim).
3. Oxirgi hisobot davri uchun Davlat soliq idoralariga topshirilgan moliyaviy hisobotlari (1-son shakl: buxgalteriya balansi, 2-son shakl: moliyaviy natijalar toʼgʼrisida hisobot), zaruriyatga koʼra tezkor (operativ) moliyaviy maʼlumotlarini (1-;2-son shakllar) hamda muddati oʼtgan debitorlik va kreditorlik mavjud boʼlgan holatda ularning yoyilmasi (zarurat tugʼilganda muddati oʼtgan qarzlar boʼyicha solishtirma dalolatnomalari). 
4. Аgar qarz oluvchining boshqa kredit tashkilot (bank)larida xisobraqam va majburiyatlari mavjud boʼlsa, ushbu kredit tashkiloti (bank)dan maʼlumotnoma (mijozning hisobvaraqlardagi oxirgi 6 oylik aylanmasi, kredit tashkiloti (bank) oldidagi ssuda va boshqa qarzdorliklari, Kartoteka- qarzdorligi va pul qoldiqlari haqidagi maʼlumotlar koʼrsatiladi) va aylanmalardan koʼchirmalar ilova qilinadi
5. Oʼz tabdirkorlik faoliyatini amalga oshirishga moʼljallangan savdo, ishlab chiqarish joyi mavjudligi boʼyicha hujjatlar (kadastr hujjatlari yoki ijara shartnomasi nusxasi). Аgar qarz oluvchi takror kredit olayotgan boʼlsa, talab qilinmaydi.
6. Loyiha TIА(TEO)si yoki biznes – reja. 
7. Toʼliq xususiyati bilan uskuna yetkazib berishga kontrakt (loyiha kontrakti). Uskuna ishlab chiqaruvchisi va yetkazib beruvchisi haqida maʼlumot .
8. Oʼxshash uskunaning taqqoslash tasnifi, raqobat varaqasi (narxi, unumdorligi va boshqalar) yoki akkreditatsiyadan oʼtgan tashkilotning narx ekspertizasi (bunda asbob-uskunalarning shartnomaviy qiymati 0,2-0,5 mln. АQSh dollari ekvivalentigacha boʼlsa mahalliy konsalting kompaniyalardan birining xulosasi, 0,5 mln.АQSh dollar ekvivalentidan yuqori boʼlsa chet el konsalting kompaniyasining xulosasi yoki davlat ulushiga ega boʼlgan korxonalar tomonidan Oʼzbekiston Respublikasi Iqtisodiy taraqqiyot va kambagʼallikni qisqartirish vazirligi huzuridagi «Loyihalarni va import kontraktlarini kompleks ekspertiza qilish markazi» DUK xulosasi taqdim etiladi), shuningdek uskuna bilan ishlab chiqariladigan mahsulotning xom-ashyo bazasi mavjudligiga alohida eʼtibor qaratiladi. (soʼm valyutada ifodalanadi). 9. Xom ashyo va materiallar yetkazib berishga shartnomalar (loyiha, ahdlashuv bayonlari).
10. Ishlab chiqilgan mahsulotni sotish shartnomalari (loyihalari, ahdlashuv bayonlari).
11. Qurilish (rekonstruktsiya, kengaytirish, tex.jihozlash) uchun loyiha-smeta hujjatlari. Majmuali ekspertiza oʼtkazish paytida loyiha-smeta xujjatlari taqdim etish imkoniyati boʼlmagan holda qurilishga dastlabki smetalarni taqdim etish lozim. Bunda yakuniy loyiha-smeta hujjatlari moliyalashtirish ochishga taqdim etiladi.
12. Qurilish uchun yer ajratish hujjatlari (zarur boʼlganda).
13. Davlat tabiatni muhofaza qilish qoʼmitasining ijobiy ekologik ekspertiza xulosasi.
14. Taʼminot hujjatlari.
15. Ushbu roʼyxat kreditning berilishini koʼrib chiqish uchun zarur boʼlgan yakuniy roʼyxat hisoblanmaydi. Bank zurur hollarda ushbu loyiha yuzasidan boshqa har qanday hujjatlarni talab qilish huquqiga ega.


Boshqa tijorat banklaridan asosiy yoki ikkilamchi hisobvaragʼi olib oʼtilgan mijozlar kamida 6 oy davomida bankimizda pul aylanmasiga ega boʼlganidan soʼng, ushbu mijozga kredit ajratilishi mumkin (hukumat qarorlari va davlat dasturlariga tushgan loyihalar boʼyicha ajratiladigan kreditlar, bir qarz oluvchi yoki oʼzaro aloqador qarz oluvchilarga ajratiladigan kreditlar, boshqa bankda boʼlgan paytida yomon kredit tarixiga ega boʼlmagan va oxirgi 6 oyda soʼralayotgan kredit boʼyicha har oylik asosiy qarz+foiz toʼlovlariga yetadigan pul tushumiga ega boʼlgan mijozlarga ajratiladigan kreditlar bundan mustasno).


On-line maslahatchi
Qo'ng'iroqni buyurtma qilish