Ipoteka bank OTP Group TIIF 2026 doirasida European Business Evening tadbirini qo‘llab-quvvatladi

Ipoteka bank OTP Group European Business Evening & Reception 2026 oltin homiysi sifatida ishtirok etib, O‘zbekistonni istiqbolli o‘sish bozori sifatida ko‘rayotgan xalqaro ishtirokchilar oldida ishonchli moliyaviy hamkor sifatidagi mavqeini yana bir bor namoyon etdi.

2026-yil 17-iyun Toshkent shahri — Ipoteka bank OTP Group Toshkent xalqaro investitsiya forumi (TIIF 2026) doirasida “Yevropa – O‘zbekiston” iqtisodiy hamkorlik assotsiatsiyasi — EUROUZ tomonidan tashkil etilgan European Business Evening & Reception 2026 tadbirida qatnashdi.

Hyatt Regency Tashkent mehmonxonasida bo‘lib o‘tgan anjuman davlat tuzilmalari, xalqaro moliya institutlari, diplomatik vakolatxonalar, investorlar hamda Yevropa va O‘zbekistonning ilg‘or kompaniyalaridan 400 nafarga yaqin vakillarni birlashtirdi.

Bankning tadbirdagi ishtiroki O‘zbekiston, Yevropa va xalqaro investitsiya hamjamiyati o‘rtasida biznes aloqalarini mustahkamlashga qaratilgan tizimli faoliyatning ajralmas qismi bo‘ldi. U oltin homiy sifatida tadbirni qo‘llab-quvvatlab, korporativ bank xizmatlarini rivojlantirish, investitsiya loyihalariga ko‘maklashish hamda biznes uchun zamonaviy moliyaviy yechimlar yaratishga bo‘lgan e’tiborini namoyish etdi.

OTP Group xalqaro moliyaviy guruhiga kiruvchi Ipoteka bank OTP Group mahalliy bozor bilimlarini Yevropa bank tajribasi bilan samarali uyg‘unlashtiradi. Shu bilan bank O‘zbekistonda faoliyat olib borayotgan kompaniyalar hamda mamlakatni investitsiyalar, ishlab chiqarish kengayishi, savdo va infratuzilma loyihalari uchun jozibador yo‘nalish deb bilayotgan bizneslar uchun ishonchli moliyaviy hamkorga aylanmoqda.

O‘zbekiston bugungi kunda xalqaro biznes, investorlar va moliyaviy institutlar uchun tobora jozibador markazga aylanmoqda. Yangi bozorlarga kirayotgan yoki o‘z faoliyatini kengaytirayotgan kompaniyalar uchun mahalliy bozorni chuqur biladigan va xalqaro tajribaga ega ishonchli moliyaviy hamkor muhimdir. Ipoteka bank OTP Group aynan shu vazifani bajarib, O‘zbekiston imkoniyatlarini OTP Group’ning ilg‘or tajribasi bilan bog‘laydi. Bankimizning asosiy maqsadi — korporativ mijozlar va investorlarni samarali moliyaviy yechimlar bilan qo‘llab-quvvatlash, yangi loyihalarni hayotga tatbiq etish va mamlakatda barqaror biznes rivojiga xizmat qilishdan iborat”, — deya ta’kidladi OTP Group bosh direktorining o‘rinbosari, korporativ bank biznesi yo‘nalishi rahbari hamda Ipoteka bank OTP Group kuzatuv kengashi raisi Laslo Volf.                                                                                                     

Tadbir doirasida ishtirokchilar investitsiya imkoniyatlari, infratuzilma rivoji, energetika, moliya sektori, sanoat va mintaqaviy hamkorlik istiqbollari yuzasidan fikr almashdilar. Ipoteka bank OTP Group uchun bunday maydonlar alohida ahamiyat kasb etadi, chunki ular biznes, xalqaro moliyaviy institutlar va davlat tuzilmalari bilan bevosita muloqot uchun keng imkoniyatlar yaratadi.

Bank korporativ mijozlar va investorlar uchun ilg‘or yechimlarni takomillashtirishni davom ettirib, iqtisodiy o‘sishni rag‘batlantiruvchi loyihalarni qo‘llab-quvvatlaydi va O‘zbekistonda xalqaro biznes aloqalarini kengaytirishga o‘z hissasini qo‘shadi.

Ipoteka bank OTP Group O‘zbekistonni yuqori o‘sish salohiyatiga ega bozor sifatida ko‘rib, biznesni rivojlantirish va investitsiyalarni kengaytirishga intilayotgan kompaniyalar uchun ishonchli hamkor sifatida maydonga chiqadi.