Ipoteka Bank OTP Group kundalik moliyaviy operatsiyalarni boshqarish imkoniyatlarini kengaytirib, Ipoteka Mobile ilovasini rivojlantirishda davom etmoqda. Ilovada 10 mln so‘mgacha komissiyasiz pul o‘tkazmalari, valyuta ayirboshlash, qisqa muddatli omonatlar va onlayn mikroqarzlardan foydalanish mumkin. Shuningdek, foydalanuvchilar SWIFT orqali xalqaro pul o‘tkazmalarini amalga oshirishlari, xizmatlar uchun to‘lovlarni bajarishlari va karta sozlamalarini boshqarishlari mumkin.
Ipoteka Mobile ilovasining asosiy afzalliklari:
- 10 mln so‘mgacha komissiyasiz pul o‘tkazmalari. Mijozlar belgilangan limit doirasida pul mablag‘larini komissiyasiz o‘tkazishlari mumkin.
- Kredit mablag‘larini kartaga komissiyasiz o‘tkazish. Ushbu operatsiya uchun qo‘shimcha komissiya undirilmaydi.
- Qulay shartlarda valyuta ayirboshlash. Ipoteka Mobile ilovasidagi valyuta ayirboshlash kursi bank kassasidagi kursga nisbatan qulayroq bo‘lib, mijozlarga valyutani yanada manfaatli shartlarda ayirboshlash imkonini beradi.
- Qisqa muddatli omonatlar. Mijozlar o‘z moliyaviy rejalariga mos ravishda jamg‘arma muddatini tanlab, mablag‘larini qisqa muddatga joylashtirishlari mumkin.
- 100 mln so‘mgacha onlayn mikroqarzlar. Arizani bevosita ilova orqali yuborish mumkin. Bundan tashqari, mijozlar aksiya shartlariga muvofiq «Bank to‘laydi!» aksiyasida ishtirok etishlari mumkin.
Ilovaning yangi funksiyalari va takomillashtirilgan imkoniyatlari
Ipoteka Mobile ilovasining so‘nggi yangilanishlari xalqaro pul o‘tkazmalari, xizmatlar uchun to‘lovlar, valyuta ayirboshlash va kartalarni boshqarish imkoniyatlarini qamrab oladi.
- SWIFT orqali xalqaro pul o‘tkazmalari. Endilikda xalqaro pul o‘tkazmalarini bevosita ilova orqali amalga oshirish mumkin.
- «Mening uyim» bo‘limida xizmatlar uchun to‘lovlar. Xizmatlar uchun Uzcard va Humo kartalari orqali to‘lov qilish imkoniyati qo‘shildi.
- UzQR orqali to‘lovlar. UzQR orqali to‘lovlarni ushbu to‘lov usulini qo‘llab-quvvatlaydigan barcha savdo nuqtalarida amalga oshirish mumkin.
- Valyuta ayirboshlash. Ilovada valyuta ayirboshlash jarayoni takomillashtirilib, operatsiyalarni so‘m miqdoriga asoslangan hisob-kitob orqali bajarish imkoniyati qo‘shildi. Shuningdek, Uzcard Sherdor kartasini tanlash imkoniyati qo‘shildi.
- Karta PIN-kodini boshqarish. PIN-kodni o‘rnatish yoki o‘zgartirish jarayoni soddalashtirildi.
- Xavfsizlik va barqarorlik. Ilovadagi xatolar bartaraf etildi va xavfsizlik darajasi oshirildi.
Ipoteka Mobile pul o‘tkazmalari, to‘lovlar, valyuta ayirboshlash, jamg‘armalar va kredit mahsulotlaridan foydalanish imkoniyatlarini yagona ilovada birlashtiradi. Bank mijozlarga moliyaviy xizmatlardan onlayn foydalanishni yanada qulay qilish maqsadida raqamli xizmatlarini rivojlantirishda davom etmoqda.
