WIUT talabalari bank sohasida amaliy tajriba orttirish imkoniyatiga ega bo‘ladilar

Talabalar uchun yangi imkoniyatlar, qo‘shma ta’lim tashabbuslari va amaliy tajriba almashinuvi Ipoteka bank OTP Group hamda Toshkentdagi Xalqaro Vestminster universiteti (WIUT) o‘rtasidagi hamkorlikning asosini tashkil etadi.

Tegishli memorandum Ipoteka bank OTP Group nomidan Chief HR Officer Venera Erzina va WIUT prorektori Nizamjon Qodirov tomonidan imzolandi.

Bugungi kunda ish beruvchilar va universitetlar ta’lim hamda kelajakdagi kasb o‘rtasidagi masofani qisqartirish maqsadida tobora ko‘proq hamkorlik qilmoqda. Ipoteka bank OTP Group va WIUT o‘rtasidagi hamkorlik ham bu yo‘nalishdagi navbatdagi qadam bo‘lib, bilim va amaliy tajriba almashish hamda kasbiy rivojlanish uchun yanada ko‘proq imkoniyatlar yaratadi.

Ta’lim tashabbuslarini qo‘llab-quvvatlash bank faoliyatining muhim yo‘nalishlaridan biri bo‘lib qolmoqda. Shunday loyihalardan biri bilim va ta’lim resurslarini yanada ommalashtirish maqsadida tashkil etilgan Bilimxona kutubxonasining ochilishi bo‘ldi.

Bundan tashqari, yuqori kurs talabalari Career Path stajirovka dasturiga qo‘shilib, Ipoteka bank OTP Group’da ilk professional tajribalarini orttirishlari mumkin. Ariza topshirish uchun dastur saytiga tashrif buyuring.