Ipoteka bank OTP Group Farg‘ona shahrida yangi aloqa markazini ishga tushirdi — tezkor, ishonchli va mijozlarga yanada yaqin

Ipoteka bank OTP Group Farg‘onada yangi, yuqori texnologiyali aloqa markazini ochdi, bu butun mamlakat miqyosida mijozlarga xizmat ko‘rsatish darajasini oshirishda muhim ahamiyatga ega. Markaz zamonaviy ilg‘or texnologiyalar orqali kuniga minglab mijozlarga xizmat ko‘rsatadigan 80 dan ortiq malakali mutaxassislarni o‘ziga birlashtirgan.

Ushbu aloqa markazining mijozlarga xizmatni takomillashtirishda muhim bosqich bo‘lib, murojaatlarni tez va samarali qayta ishlash hamda har bir mijozga individual yondashuvni ta’minlaydi. Markaz 24 soat davomida faoliyat yuritib, bank mahsulotlari va xizmatlari bo‘yicha maslahatlar taqdim etadi hamda yuzaga kelgan muammolarni hal etadi. Aloqa markazi Ipoteka bank OTP Groupning raqamli transformatsiya va moliyaviy xizmatlarning ochiq va shaffofligini oshirishga qaratilgan strategiyasining ajralmas qismi bo‘lib, filiallarga bo‘lgan yukni kamaytirish hamda mijozlar tajribasini yaxshilashga ko‘maklashadi. Farg‘onadagi aloqa markazining ochilishi mahalliy iqtisodiyotga katta hissa qo‘shdi, 80 dan ortiq yangi ish o‘rinlari tashkil etilib, mahalliy mutaxassislar uchun kasbiy rivojlanish imkoniyatlari yaratildi.

Markaz faoliyatining mijozlar uchun afzalliklari:

- Murojaatlar tezroq ko‘rib chiqiladi va kutish muddati sezilarli darajada qisqartiriladi.

- Telefon yoki onlayn orqali qulay va samarali maslahatlar olish imkoniyati kengaydi.

- Har bir murojaatda yuqori darajada xavfsizlik va maksimal qulaylik ta’minlanadi.

Hozirda 90%dan ortiq qo‘ng‘iroqlar birinchi 20 soniya ichida qayta ishlanmoqda, bu esa bozordagi o‘rtacha ko‘rsatkichdan sezilarli darajada yuqori.

«Bu biz uchun faqat yangi ofis emas — bu mijozlarga xizmat sifatini yanada rivojlantirishga qaratilgan muhim qadamdir. Har bir bank bilan aloqa oson, tez va yoqimli bo‘lishi uchun barcha zarur imkoniyatlarni yaratayapmiz», — dedi Ipoteka bank OTP Group Mijozlarga xizmat ko‘rsatish direktsiyasi direktori Lidiya Marko.

Aloqa markazining ishga tushirilishi nafaqat mijozlar, balki hudud aholisi uchun ham katta ahamiyatga ega muhim voqea bo‘ldi: bank bir necha yangi ish o‘rinlari yaratdi va raqamli yechimlarni joriy etishda faoliyatni davom ettirmoqda, shu orqali bank xizmatlarini har bir mijozga yanada yaqinlashtirmoqda. Ipoteka bank OTP Group butun mamlakat bo‘ylab mijozlarga xizmat ko‘rsatish sohasida yetakchi mavqeini mustahkamlab, foydalanuvchilarga yangi imkoniyatlar yaratmoqda.