22-apreldan — mobil ilova va kartalardan foydalanish faqat sizning nomingizga rasmiylashtirilgan raqam orqali

Hurmatli mijozlar,

22-apreldan boshlab mobil bank ilovalari va bank kartalaridan foydalanish tartibiga o‘zgartirishlar kiritiladi.

Endilikda quyidagilar uchun ishlatiladigan telefon raqami: — mobil ilovada ro‘yxatdan o‘tish 

— bank kartasini bog‘lash

— mijozning nomiga rasmiylashtirilgan bo‘lishi 

— va uning JShShIR (jismoniy shaxsning shaxsiy identifikatsiya raqami)ga mos kelishi kerak.

Bu shuni anglatadiki, boshqa shaxs nomiga rasmiylashtirilgan raqamlar orqali bank xizmatlaridan foydalanish cheklanadi.

Muhim ma’lumot

Agar telefon raqami sizning shaxsiy ma’lumotlaringizga mos kelmasa: 

— mobil ilovada ro‘yxatdan o‘tish imkonsiz bo‘lishi mumkin;

— bank kartasini bog‘lash rad etilishi mumkin;

— nomuvofiqlik aniqlansa, sizga SMS-xabarnoma yuboriladi;

— belgilangan muddatdan so‘ng xizmatlardan foydalanish cheklanadi.

Nima qilishingiz talab etiladi

Xizmatlardan uzluksiz foydalanishni davom ettirish uchun quyidagilarni tavsiya qilamiz:

— telefon raqami sizning nomingizga rasmiylashtirilganini tekshiring — zarurat bo‘lsa, mobil operator orqali raqamni o‘z nomingizga rasmiylashtiring — yoki mobil ilova va bank kartalarini shaxsiy raqamingizga qayta bog‘lang.

Mazkur o‘zgarishlar mablag‘laringiz xavfsizligini oshirish va firibgarlikning oldini olishga qaratilgan.

Agar sizga yordam kerak bo‘lsa, 1233 raqami orqali kontakt-markazimizga murojaat qiling yoki bank filialiga tashrif buyuring — biz har doim yordam berishga tayyormiz.