| Mahsulot toifasi | Asosiy vositalar sotib olish uchun |
| Mahsulot turi | Kredit |
| Sohalar (tarmoqlar) | Risk tomonidan taqiqlangan tarmoqlardan tashqari barcha tarmoqlar |
| Mijoz segmenti | Mikro va kichik biznes |
| Mijozlar turi | Yuridik shaxslar hamda yakka tartibdagi tadbirkorlar |
| Mijoz | Bankning mavjud va potentsial mijozlari (mikro va kichik korxonalar va yakka tartibdagi tadbirkorlar) |
| Start up | Ko‘zda tutilmagan |
| Mijozlarni aniqlash | 1) Bankning mavjud mijozlari (ETBc clients) 2) Bankning potensial mijozlari (NTBc clients) |
| Kredit maqsadi | Asosiy vositalar sotib olish (shu jumladan, onlayn nazorat-kassa mashinasi sotib olish, bino-inshoot qurilishi rekonstruksiyasi va kapital ta’mirlash) |
| Kredit maksimal summasi | 1) Yuridik shaxslar uchun - 1 250,0 mln.so‘mgacha (onlayn nazorat-kassa mashinasi sotib olish uchun 5 mln.so‘mgacha) 2) YTTlar uchun - 650,0 mln.so‘mgacha Mijozning jami majburiyatlari mazkur summalardan oshmasligi lozim |
| Kredit minimal summasi | 1) Yuridik shaxslar uchun - 50,0 mln.so‘m 2) YTTlar uchun - 25,0 mln.so‘m Onlayn nazorat-kassa mashinasi sotib olish uchun belgilanmagan |
| Valyuta | Milliy valyutada |
| Kredit liniyasi | Yopiq |
| Kredit foizi (%) yillik | Yillik 27% |
| Kredit maksimal muddati | Loyihadan kelib chiqib 60 oygacha (onlayn nazorat-kassa mashinasi sotib olish uchun 12 oygacha) |
| Boshlang‘ich badal | 20–36% |
| Kredit ta’minoti | Yuridik yoki jismoniy shaxslarga tegishli likvid ko‘chmas mulklar va transport vositalari garovi (asosiy ta’minotlar rasmiylashtirilgunga qadar ta’minot sifatida kredit qaytmaslik xatarini sug‘urta polisi qabul qilinishi mumkin). Onlayn nazorat-kassa mashinasi sotib olish uchun jismoniy shaxs kafilligi asosida. |
| Kredit foiz to‘lovini qaytarish tartibi | Har oyda |
| Kredit ajratilish shakli | Yetkazib beruvchining hisob raqamiga pul o‘tkazish yo‘li bilan. Bir martalik yoki bosqichma-bosqich o‘tkazish sharti bilan amalga oshiriladi. |
| Imtiyozli davr | 1) Kredit 4–5 yilgacha: imtiyozli davr 6 oygacha (mavsumiy loyihalarga 9 oygacha); 2) Kredit 2–4 yilgacha: imtiyozli davr 6 oygacha; 3) Kredit 0–2 yilgacha: imtiyozli davr 3 oygacha; 4) Onlayn nazorat-kassa mashinasi sotib olish uchun imtiyozli davrsiz. |
| Kreditni qaytarish usuli | Annuitet yoki differensial usulda |
| Kredit asosiy qarz to‘lovini qaytarish tartibi | To‘lov muddati kelgandan so‘ng oyma-oy yoki loyihadan kelib chiqib choraklik qaytarish sharti bilan |
| Muddatidan avval qaytarish | Muddatidan avval to‘lash imkoniyati mavjud |
Kichik biznesni moliyalashtirish dasturi doirasida bank sizning e’tiboringizga biznes uchun keng ko‘lamdagi kreditlarni taklif etadi.
Kreditlarimizning turlari biznesni rivojlantirish, uning raqobatbardoshligini ta’minlash bilan bog‘liq bo‘lgan istalgan masalalarni hal qilishga imkon beradi.
Kredit taqdim etish to‘g‘risidagi qaror qabul qilishda Ipoteka-bank mijozning haqiqiy holati to‘g‘risidagi ma’lumotlarga asoslanadi. Bunda e’tibor rasmiy ko‘rsatkichlarga emas, balki moliyalashtirish nazarda tutilgan biznesning rivojlanish istiqbollariga qaratiladi.
Har bir shaxsga bo‘lgan alohida yondashuv Ipoteka-bankka kichik biznes sub’ektlari uchun eng qulay shartlarda kreditlarni taklif qilishga imkon beradi.
Kreditdan foydalanganlik uchun foiz stavkasi bozor kon’yunkturasi va qarzdorning moliyaviy holatidan kelib chiqqan holda o‘rnatiladi. Foizlar kredit qarzdorligining qolgan qismiga hisoblanadi, bu mijozlarga qo‘shimcha xarajatlar amalga oshirmaslikka imkon beradi.
Yuridik shaxslarni asosiy vositalar sotib olish va qurilish/rekonstruktsiya maqsadida kreditlash uchun talab qilinadigan hujjatlar ro‘yxati:
- Ariza;
- Kredit oluvchining vakolatli organining kredit olish bo‘yicha yig‘ilish qarori. Vakolatlarni tekshirish uchun oxirgi kiritilgan o‘zgartirishlar bilan birga qarz oluvchining ta’sis hujjatlari nusxasi (litsenziya);
- Oxirgi hisobot davri uchun Davlat soliq idoralariga topshirilgan moliyaviy hisobotlari;
- Agar qarz oluvchining boshqa kredit tashkilot (bank)larda hisob raqam va majburiyatlari mavjud bo‘lsa, ushbu kredit tashkiloti (bank)dan ma’lumotnoma;
- Kredit hisobidan sotib olish uchun shartnoma (kontrakt)lar nusxalari;
- O‘z tadbirkorlik faoliyatini amalga oshirishga mo‘ljallangan joy mavjudligi bo‘yicha hujjatlar;
- Biznes-reja yoki loyiha TIA (TEO)si;
- Uskuna sotib olishga kredit ajratilganda, o‘xshash uskunaning taqqoslash tasnifi, raqobat varaqasi;
- Ko‘chmas mulk sotib olishga kredit ajratilganda, mulk huquqini tasdiqlovchi hujjat;
- Qurilish, kapital ta’mirlash va rekonstruksiya ishlari uchun kredit ajratilganda, barcha qurilish-ta’mir hujjatlari;
- Ta’minot hujjatlari.
Yakka tartibdagi tadbirkorlarni kreditlash uchun talab qilinadigan hujjatlar ro‘yxati:
- Ariza;
- Davlat ro‘yxatidan o‘tganlik to‘g‘risidagi guvohnoma nusxasi;
- Kredit hisobidan sotib olish uchun shartnoma (kontrakt)lar nusxalari (savdo faoliyatidan tashqari);
- Ko‘chmas mulk sotib olishga kredit ajratilganda, mulk huquqini tasdiqlovchi hujjat;
- Uskuna sotib olishga kredit ajratilganda, o‘xshash uskunaning taqqoslash tasnifi, raqobat varaqasi;
- Biznes-reja;
- Agar qarz oluvchining boshqa kredit tashkilot (bank)larda hisob raqam va majburiyatlari mavjud bo‘lsa, ushbu kredit tashkiloti (bank)dan ma’lumotnoma;
- Ta’minot hujjatlari.
Ushbu ro‘yxatlar kreditni ko‘rib chiqish uchun zarur bo‘lgan yakuniy ro‘yxat hisoblanmaydi. Bank zarur hollarda loyiha bo‘yicha boshqa qo‘shimcha hujjatlarni talab qilish huquqiga ega.