| Mahsulot toifasi | Aylanma mablag‘larni to‘ldirish uchun |
| Mahsulot turi | Kredit |
| Sohalar (tarmoqlar) | Risk tomonidan taqiqlangan tarmoqlardan tashqari barcha tarmoqlar |
| Mijoz segmenti | Mikro va kichik biznes |
| Mijozlar turi | Yuridik shaxslar hamda yakka tartibdagi tadbirkorlar |
| Mijoz | Bankning mavjud va potentsial mijozlari (mikro va kichik korxonalar va yakka tartibdagi tadbirkorlar) |
| Start up | Ko‘zda tutilmagan |
| Mijozlarni aniqlash | 1) Bankning mavjud mijozlari (ETBc clients) 2) Bankning potensial mijozlari (NTBc clients) |
| Kredit maqsadi | Aylanma mablag‘larni to‘ldirish maqsadida tovarlar (ishlar, xizmatlar) sotib olish va ish haqi to‘lovi uchun |
| Kredit maksimal summasi | 1) Yuridik shaxslar uchun — 1 250,0 mln so‘mgacha (ish haqi to‘lovi uchun — ikki oy uchun hisoblangan ish haqidan ortiq bo‘lmagan miqdorda) 2) YTTlar uchun — 650,0 mln so‘mgacha. Mijozning jami majburiyatlari mazkur summalardan oshmasligi lozim. |
| Kredit minimal summasi | 1) Yuridik shaxslar uchun — 50,0 mln so‘m 2) YTTlar uchun — 25,0 mln so‘m |
| Valyuta | Milliy valyutada |
| Kredit foizi (%) | Yillik 29% |
| Kredit liniyasi | Yopiq |
| Kredit maksimal muddati | 36 oygacha (ish haqi to‘lovi uchun — 45 kungacha) |
| Kredit ta’minoti | Ko‘chmas mulk va transport vositasi |
| Kredit foiz to‘lovini qaytarish tartibi | Har oyda (ish haqi uchun kreditlarda — muddatining oxirida to‘lanadi) |
| Kredit ajratilish shakli | 1) Yetkazib beruvchining hisob raqamiga pul o‘tkazish yo‘li bilan, bir martalik yoki bosqichma-bosqich o‘tkazish sharti bilan amalga oshiriladi. 2) Naqd pulda — bozor hududida faoliyat yurituvchi yakka tartibdagi tadbirkorlarga BXMlar orqali ajratiladi (naqd pulda kredit ajratadigan BXMlar Risklarni tahlil qilish va modellashtirish direksiyasi tomonidan taqdim etilgan ro‘yxat asosida amalga oshiriladi). 3) Ish haqi to‘lovi uchun — tranzit hisob raqam orqali plastik kartaga o‘tkazish usulida. |
| Imtiyozli davr | Imtiyozli davrsiz |
| Kreditni qaytarish usuli | Annuitet yoki differensial usulda |
| Kredit asosiy qarz to‘lovini qaytarish tartibi | 1) To‘lov muddati kelgandan so‘ng oyma-oy qaytarish sharti bilan. 2) Ish haqi to‘lovi uchun kreditlarda — kredit muddatining oxirida amalga oshiriladi. |
| Muddatidan avval qaytarish | Muddatidan avval to‘lash imkoniyati mavjud |
Kichik biznesni moliyalashtirish dasturi doirasida bank sizning e’tiboringizga biznes uchun keng ko‘lamdagi kreditlarni taklif etadi.
Kreditlarimizning turlari biznesni rivojlantirish, uning raqobatbardoshligini ta’minlash bilan bog‘liq bo‘lgan istalgan masalalarni hal qilishga imkon beradi.
Kredit taqdim etish to‘g‘risidagi qaror qabul qilishda Ipoteka-bank mijozning haqiqiy holati to‘g‘risidagi ma’lumotlarga asoslanadi. Bunda e’tibor rasmiy ko‘rsatkichlarga emas, balki moliyalashtirish nazarda tutilgan biznesning rivojlanish istiqbollariga qaratiladi.
Har bir shaxsga bo‘lgan alohida yondashuv Ipoteka-bankka kichik biznes sub’ektlari uchun eng qulay shartlarda kreditlarni taklif qilishga imkon beradi.
Kreditdan foydalanganlik uchun foiz stavkasi bozor kon’yunkturasi va qarzdorning moliyaviy holatidan kelib chiqqan holda o‘rnatiladi. Foizlar kredit qarzdorligining qolgan qismiga hisoblanadi, bu mijozlarga qo‘shimcha xarajatlar amalga oshirmaslikka imkon beradi.
Yuridik shaxslarni asosiy vositalar sotib olish va qurilish/rekonstruktsiya maqsadida kreditlash uchun talab qilinadigan hujjatlar ro’yhati:
- Аriza;
- Kredit oluvchining vakolatli organining kredit olish bo’yicha yig’ilish qarori. Vakolatlarni tekshirish uchun oxirgi kiritilgan o’zgarishlar bilan birga qarz oluvchining ta’sis hujjatlari nusxasi (litsenziya);
- Oxirgi hisobot davri uchun Davlat soliq idoralariga topshirilgan moliyaviy hisobotlari;
- Agar qarz oluvchining boshqa kredit tashkilot (bank)larda xisobraqam va majburiyatlari mavjud bo’lsa, ushbu kredit tashkiloti (bank)dan ma’lumotnoma;
- Kredit hisobidan sotib olish uchun shartnoma (kontrakt)lar nusxalari;
- O’z tabdirkorlik faoliyatini amalga oshirishga mo’ljallangan savdo, ishlab chiqarish joyi mavjudligi bo’yicha hujjatlar;
- Biznes-reja yoki loyiha TIA(TEO)si;
- Uskuna sotib olishga kredit ajratilganda, o’xshash uskunaning taqqoslash tasnifi, raqobat varaqasi;
- Ko’chmas mulk sotib olishga kredit ajratilganda, mulk huquqini tasdiqlovchi guvohnoma (hujjat);
- Qurilish, kapital ta’mirlash va rekonstruktsiya qilish bo’yicha qurilish-ta’mirlash ishlariga kredit ajratilganda, qurilish-ta’mirlashga doir barcha hujjatlar;
- Ta’minot hujjatlari.
Yakka tartibdagi tadbirkorlarni kreditlash uchun talab qilinadigan hujjatlar ro’yhati:
- Аriza;
- Davlat ro’yhatidan o’tganligi to’g’risida guvohnoma nusxasi;
- Kredit hisobidan sotib olish uchun shartnoma (kontrakt)lar nusxalari (savdo faoliyatidan tashqari);
- Ko’chmas mulk sotib olishga kredit ajratilganda, mulk huquqini tasdiqlovchi guvohnoma (hujjat);
- Uskuna sotib olishga kredit ajratilganda, o’xshash uskunaning taqqoslash tasnifi, raqobat varaqasi;
- Biznes-reja;
- Agar qarz oluvchining boshqa kredit tashkilot (bank)larda xisobraqam va majburiyatlari mavjud bo’lsa, ushbu kredit tashkiloti (bank)dan ma’lumotnoma;
- Ta’minot hujjatlari.
Ushbu ro’yxatlar kreditning berilishini ko’rib chiqish uchun zarur bo’lgan yakuniy ro’yxat hisoblanmaydi. Bank zarur hollarda ushbu loyiha yuzasidan boshqa har qanday hujjatlarni talab qilish huquqiga ega.